طريقة عمل غرزة العمود بلفتين

الغرزة سهلة وتشبه العمود بلفة

ارتفاع الغرزة 4 سلسلة وهنكرر تاني ان الارتفاع بيبقى في اول السطر

رمز الغرزة  

طريقة عملها

زي ماقلنا انها تشبه العمود بلفة بس الفرق اننا بناخد لفتين على الابرة بدل لفة واحدة

يعني نعمل الرتفاع طبعا في اول السطر اللي هو 4 سلسلة وبعدين ناخد لفتين على الابرة وبعدين نغرز الابرة في الغرزة اللي قبل الغرزة اللي فيها الارتفاع وبعدين نلف لفة على الابرة ونسحب الخيط يخرج من لفتين فقط ثم ناخد لفة اخرى ونخرج من لفتين ثم لفة اخرى ونخرج من اللفتين الباقيتين

ودي صورة توضيحية

شرح طريقة عمل غرزة العمود بلفة

الغرزة دي مهمة لانها بتدخل في اغلب اعمال الكروشيه لذلك مطلوب التركيز في طريقة عملها لانها بتكون مطلوبة كتير

و دة رمزها 

ونلاحظ انها بتشبه غرزة النصف عمود بس زيادة عليها شرطة ودة معناها اننا هناخد  لفة على الابرة قبل مانغرز الابرة في الغرزة اللي هنشتغل عليها

ارتفاع الغرزة النصف عمود بيبقى 3 غرز سلسلة

وزي ما ذكرنا سابقا ان الارتفاع بيكون في اول السطر

طريقة عملها 

في اول السطر بنعمل الارتفاع 3 سلاسل وبعدين ناخد لفة من الخيط ثم نغرز الابرة في الغرزة اللي هنشتغل عليها في السطر السابق وه بتكون الغرزة التالية للغرزة اللي عليها الارتفاع

اصبح معانا 3 لفات على الابرة نسحب خيط ونخرج بيه من لفتين فقط

اصبح معانا لفتين على الابرة نلف خيط على الابرة ونسحبه من اللفتين المتبقيتين ونخرج بلفة واحدة 

ونكرر الطريقة تاني طبع بدون الارتفاع لان معانا الارتفاع اللي هو غرزة العمود اللي احنا عملناها

ودة شرح كمان في الصورة

 

شرح طريقة عمل غرزة النصف عمود

بداية الكلام لازم نعرف ان كل غرزة بيبقى ليها ارتفاع
في الدرس السابق شرحنا طريقة عمل غرزة السلسلة والمنزلقة وغرزة الحشو
طبعا غرزة الحشو بيبقى ارتفاعها غرزة واحدة
وارتفاع الغرز بيبقى طبعا في اول السطر
وارتفاع النصف عمود غرزتين سلسلة

الدرس دة هنشرح غرزة النصف عمود او النصف بريد
رمز الغرزة في الباترون بيكون كدة T
وطبعا النصف عمود بيكون اصغر من العمود
بيتعمل ازاي
من اول السطر تبتدي تعملي ارتفاع الغرزة اللي هو غرزتين سلسلة
وبعدين تنزلي على الغرزة اللي قبل الارتفاع في السطر السابق وتغرزي الابرة وتاخدي لفة من الخيط 
كدة يبقة معاكي ثلاث لفات على الابرة تسحب الخيط من الثلاث لفات مرة واحدة
كدة اتكونت غرزة النصف بريد

شرح غرزة السلسلة وغرزة الحشو وغرزة المنزلقة بالصور

غرزة السلسلة

هي بداية اي عمل وفي الباترون بتمثل نقطة البداية وبيكون رمزها

او مكتوبة بالحروف ch
وطريقة عملها موضحة في الصور التالية

غرزة المنزلفة

ودة رمزها

وتكون في الباترون المكتوب st او sl
وغرزة المنزلقة بتتعمل لما نكون هنقفل اي شغل او بنجمع بين طرفين او بتقفلي بيها دايرة
ودي طريقتها في اكتر من موضع

غرزة الحشو
دي شكلها في الباترون المرسوم x او علامة زائد+

والباترون المكتوب sc
وهي غرزة صغيرة  وبسيطة والصورة التالية بتوضح طريقة عملها

الغرزة بتتعمل ازاي بتكون الابرة في اخر غرزة وصلتي ليها وبتعدي الابرة من الغرزة السابقة ليها وتاخدي لفة من الخيط معاهم على الابرة وترجعي مرة واحدة لتخلصي الابرة من الغرزة الاولي لتخرجي بطرف واحد وبكدة تكون اتكونت معاكي غرزة حشو

كيفية قراءة باترون الكروشيه بالصور

باترون الكروشيه هو سهل للغاية فاذا مثلا كان لدينا باترون لعمل معين كمفرش مثلا
فاننا نجد الباترون يحتوي على رموز اذا كان الباترون مرسوم او احرف انجليزية اذا كان الباترون مكتوب
وايضا يحتوي على العدد المطلوب عمله من الغرزة
ودائما البداية تاتي بعمل عدد معين من غرز السلسة

الصورة السابقة مثال لبعض الغرز المرسومة
وايضا هناك الاحرف المستخدمة للدلالة على الغرزة المطلوبة في الباترون المكتوب مثال ch وهي للدلالة على غرزة السلسلة


ويجب على من تريد تعلم فن الكروشيه ان تتقن قرأة الباترون جيدا لتستطيع تنفيذ العمل بكل دقة

مثال لباترون مفرش صغير

وبالنظر للصورة تجدي ان الباترون المرسوم سهل اذا عرفتي رمز كل غرزة وطريقة عملها
انظري الي الباترون النقطة الحمراء في وسط الباترون تمثل بداية العمل وهي غرزة السلسلة
وبتكبير الصورة قليلا ستجدي الباترون مقسم مستويات واحد و اتنين و ثلاثة وهكذا يعني الباترون بيشرح لك البداية وكل مستوي من المفرش وازاي تنتقلي للمستوي الثاني من العمل